Мирчевски до Рамадани: Во Канал 5 не постои етничка дискриминација, срам да ви е! Ковачевски, да го разрешиш негосподинот Рамадани од сите функции и веќе ниту еден денар да не добие од народни пари

Директорот на Канал 5, Иван Мирчевски остро реагираше на наводите на поранешниот пратеник и долгогодишен политичар Исмет Рамадани , кој ја обвини телевизијата дека пропагира етничка дискриминација на Албанците.

Во име на целата телевизија Канал 5 , директорот на телевизијата Иван Мирчевски се вклучи во емисијата „Само вистина“, во која поранешниот пратеник Исмет Рамадани ги обвини дека во емисијата имало етничка дискриминација на Албанците, нешто што не постои во Канал 5.

Мирчевски му рече на Рамадани дека е крајно неприфатливо и да помисли такво нешто, бидејќи телевизијата е отворена за сите националности , дека Албанците на ниеден начин не биле дискредитирани, а уште помалку дека имало некаква дискриминација.

Мирчевски побара и од премиерот Димитар Ковачевски, Рамадани да биде разрешен од сите функции и веќе ниту еден денар да не добие од народни пари.