Во петок во Скопје нов протест против поскапувањето на струјата

Овој петок со почеток од 18 часот, во паркот Чаир е закажан уште еден протест против одлуката на Регулаторната комисија за енергетика (РКЕ) за поскапување на струјата за 7.4 отсто.

Како што наведуваат организаторите, собирот е во паркот Чаир и ќе се маршира се до Влада.

„Бараме доброволци од сите населени места во Скопје и околина да се пријават во советот на протестот за да заедно организираме и што повеќе да ја мобилизараме масата за масовен протест. Доброволците треба да се јават, да ги остават своите лични податоци како и населеното место и контакт телефонот“, стои во најавата за протестот.