„Ој пијаницо к*рво к*восана“ – скандалозна тепачка на полицајци на Велигден, едниот подготвен да извади пиштол

Објавено е видео со тепачка меѓу полициски службеници во Кривогаштани, прилепско, кои се пресметувале во раните утрински часови на Велигден. Се слуша пцуење, се гледа моментот кога еден од нив се фаќа за пиштолот, а трет ги разделува и се труди да ги смири.

Како што информира СВР Битола, инцидентот се случил во неделата околу 04.45 часот, пред угостителски објект во Кривогаштани.

Нарушен е јавниот ред и мир со физичка пресметка помеѓу А.Ј.(41) од с.Житоше и К.А.(45) од с.Житоше, двајцата полициски службеници, информираше СВР-Битола.

Од таму додаваат дека се преземаат мерки за расчистување на случајот.

Известен е Одделот за внатрешна контрола, криминалистички истраги и професионални стандарди и ќе биде поведена и постапка за утврдување на дисциплинска одговорност и суспендирање од работното место до донесување на решение во дисциплинската постапка, соопшти СВР-Битола.

На видеото се гледаат двајца полицајци кои се тепаат, а трет пробува да ги раздели. Едниот од полицајците вриснува и се фаќа за пиштолот. Другиот пцуе, а потоа си заминува. Потоа едниот од полицајците влегува во сив „голф“.

Видеото можете да го погледнете на следниот линк:

https://www.facebook.com/watch/?v=200242499439688