Падна Владата на Петков – Еден ден ќе имаме држава без задкулисни игри и без мафија

Со 123 гласа „за“ и 16 „против“ падна Владата на Кирил Петков. Бугарскиот парламент ѝ изгласа недоверба.

По гласањето недоверба за неговата Влада во Парламентот на Бугарија, Петков рече дека „ова гласање е мал чекор од еден долг пат“.

„Ми беше чест да водам Влада што е соборена од Пеевски, Борисов, Слави Трифонов и Митрофанова. Ветувам дека ќе продолжиме да ја браниме државата. Еден ќе имаме држава без задкулисни игри и без мафија. Една нормална европска држава“, потенцираше Петков од собраниската говорница.

Интерпелацијата ја достави ГЕРБ поради економските неуспеси на владата.