Неделниот ручек е поврзан со поминување квалитетно време со семејството и пријателите, релаксација на крајот од викендот и секако, уживање во вкусен оброк со најблиските. Ова е една од креативните, омилени идеи за ручек со семејството, рецепт кој е брз за да можете да поминувате повеќе време со вашето семејство и помалку време во кујната.
За утрешниот ручек ви предлагаме:
Печени ќофтиња со два вида сирење
Состојки
2 парчиња исечен на коцки стар бел леб без кора
1/2 шол распарчено фета сирење
1/3 шол ситно сечкано свежо нане, плус уште за украс
3 чешниња лук, издробени со преса
800 грама мелено месо
1 лажица маслиново масло
1 средна главица кромид, ситно сечкана
1 конзерва мелени домати
1 шол говедска или пилешка супа
2 супени лажици свежи листови од оригано
2 ловорови листови
1 1/2 шол рендано сирење Моцарела
Подготовка
Загрејте ја рерната на 180ц. Во голема чинија, потопете го лебот во ладна вода. Исцедете го и фрлете го вишокот вода. Во садот со натопениот леб, додадете го фета сирењето, нането, лукот и 1/2 лажичка сол и црн бибер, мешајте да се соедини масата. Додадете го и меленото месо и повторно мешајте да се соедини смесата.
Формирајте 12 ќофтиња. Во тава загрејте го маслото. Пржете ги ќофтињата 10 минути, вртејќи ги да поруменат од сите страни.
Префрлете ги во голема чинија. Истурете го вишокот маснотии од тавата, оставајќи тенок слој; изгребете ги сите зарумени парчиња и намалете ја топлината на ринглата. Во тавата, додадете кромид; пржете 5 минути, мешајќи. Додадете ги доматите, супата, ориганото, ловоровите листови и 1/4 лажичка сол, мешајќи да се соедини. Загрејте до вриење на високо ниво. Намалете ја топлината за да врие; варете 15 минути или додека не се намали малку, често мешајќи. Додадете ги ќофтиња во сосот од домати; одозгора покрите со сирење моцарела. Префрлете ја тавата во рерната; печете 20 минути или додека сирењето не порумени.
Украсете со нане.