Попова: Дали со директорот на ЈП Улици и патишта бил и директорот на Скопската ЗОО и дали бил претресен?!
Шилегов молчи и мисли дека со разрешувањето на Сенад Смаиловиќ – Сенко, од директор на ЈП „Улици и патишта“ ќе се спаси од одговорност. Разрешувањето не го амнестира Шилегов од одговорноста, што на клучна позиција поставил лице кое е фатено со две пакетчиња кокаин во себе, изјави Ирена Попова, советник во Град Скопје од ВМРО-ДПМНЕ која запраша:
„Дополнително, граѓаните не се запознаени со детали од настанот и дали МВР нешто крие?! Дали во присуство на директорот на ЈП „Улици и патишта“ бил и директорот на скопската зоолошка градина, Ѓорги Галетановски – Чомбе? Каква е улогата на Чомбе и дали и тој бил претресен за поседување на дрога? Што уште треба да се случи Шилегов да поднесе оставка, кога двајца негови директори се вмешани во огромен скандал? Дали е вршено притисок врз полицијата да се преиначи делото од продажба на наркотици во поседување на наркотици за лична употреба? Дали МВР се замолчува под налетот на партиските јурушници на Заев? Зошто институциите се ставаат во заштита на криминалци, но и зошто се ставаат во раце на криминалци? Како ќе им објасни Шилегов на Скопјани дека Сенко носел одлуки при полна свест и разум. И како воопшто го назначил?!“
-Шилегов треба јавно да се извини, но и сам да понесе одговорност и да си замине, бидејќи истиот е негово кадровско решение. Неодговорноста на Шилегов ќе повлече и неодговорност и на други носители на јавни функции, кои го изневериле народот, вели Попова и заклучува:
„Случајот на Сенко е само еден во низата криминогени настани, предводени од луѓе на позиции поставени од СДСМ. Претходно градоначалникот на Ново Село беше фатен како шверца цигари, градоначалникот на Демир Хисар, како се заканува дека прислушкува свои сограѓани, градоначалникот на Шуто Оризари како малтретира човек во својот кабинет, пратеник како нарачува дрога и многу други. СДСМ не се извини за ниту еден од нив и нивните криминали. СДСМ ја води државата со криминалци. Одговорност мора да има! Градоначалниче вие сте на потег!“