Време е да се опуштите викендов и да пробате нешто ново. Коктел од кафе со вотка е повеќе од класичен коктел. Совршената комбинација од вотка, ликер од кафе и млеко со мирис на ванила е вкус кој може да се сервира во било кое време од годината, а посебно во летниот период.
Потребни состојки:
- 1 лажица топла вода
- 1 лажица инстант кафе
- 1 лажица мед или шеќер или по вкус
- 70 милилитри вотка
- 2 до 3 лажици ликер од кафе или рум
- 2 до 4 лажици млеко по избор
- 1/4 лажичка екстракт од ванила
- Комбинирајте ја топлата вода, инстант кафето и медот во еден сад. Мешајте со миксер за 2 до 3 минути. Можете и без миксер, но тогаш ќе ви треба повеќе време. Треба да добиете мека смеса.
- Наполнете една чаша со мраз. Додајте ја вотката, ликерот од кафе и екстракт од ванила. Додајте го млекото и промешајте. Додадете ја смесата од инстант кафето и уживајте.
