Пробајте ја оваа комбинација на кафе која им пркоси на летните температури
Станува збор за комбинација на ледено кафе со чоколадо и сладолед кој ќе го обожавате.
Потребни состојки (за две кафиња):
- 40 грама црно кафе
- 2 кафени лажички шеќер (по желба)
- 600 милилитри полномасно млеко
- 4 топки сладолед од ванила + 2 топки за декорација
- Парче чоколадо или чоколадно колаче
- Чоколаден сируп
- Какао во прав
- Шлаг пена (по желба)
Ставете ги изладеното млеко, шеќерот, кафето во прав и сладоледот од ванила во блендер. Матете додека не добиете смеса која наликува на смуди. Сипете половина од мешавината во висока чаша која претходно ќе ја декорирате со чоколаден сируп. Додајте топка сладолед и чоколадо за декорација и посипете малку какао во прав. Слободно додајте и шлаг пена, доколку сакате да добиете поблаг пијалак.